മാലാഖമാർ അല്ലാഹുവിനെ ആശ്രയിക്കുകയാണ്

 മാലാഖമാർ അല്ലാഹുവിനെ ആശ്രയിക്കുകയാണ്

സന്ദേഹം :

അല്ലാഹു നിരാശ്രയനാണെങ്കിൽ എന്ത് കൊണ്ട് മാലാഖമാരെ അവൻ ആശ്രയിക്കുന്നു  ?

നിവാരണം :

എ. കാരണങ്ങളിലൂടെയാണ് കാര്യങ്ങൾ അല്ലാഹു നിർവഹിച്ചു കൊണ്ടിരിക്കുന്നതെങ്കിലും അവയെ അവൻ ആശ്രയിക്കുന്നില്ല. എന്ത്‌ കൊണ്ടെന്നാൽ, പ്രസ്തുത കാരണങ്ങൾ ഉപരിപ്ലവമായ കാരണങ്ങളാണ്, ഫലങ്ങളെ ഉൺമയിലേക്ക് നിർഗമിപ്പിക്കുന്നത് അല്ലാഹു തന്നെയാണ്.  വിശുദ്ധ ഖുർആൻ ഇത് വ്യക്തമാക്കിയിട്ടുണ്ട്. 

(ഖുർആന്റെ ദൈവികത ‘പ്രവാചകത്വത്തിന്റ സ്ഥിരീകരണവും സംശയ ദൂരീകരണവും’ എന്ന പോസ്റ്റിൽ തെളിയിച്ചിട്ടുണ്ട്)

ബി. പ്രസ്തുത കാരണങ്ങൾ സക്രിയമാണെന്നു വന്നാൽ പോലും  അല്ലാഹു അവയെ അനുനിമിഷം സക്രിയമാക്കാതെ അവ പ്രവർത്തിക്കില്ല. (‘കർത്താവ് അല്ലാഹു തന്നെ’ എന്ന പോസ്റ്റിൽ ഇത് ധൈഷണികമായി വിവരിച്ചിട്ടുണ്ട്) അപ്പോൾ, അവയെ അല്ലാഹു ആശ്രയിക്കുകയല്ല, അവ അല്ലാഹുവിനെ ആശ്രയിക്കുകയാണ്.

അബ്ദുൽ ജലീൽ സഅ്ദി രണ്ടത്താണി