നബിവചനങ്ങൾ അവഗണിക്കപ്പെട്ടിട്ടില്ല

സന്ദേഹം :

ഖുർആൻ ക്രോഡീകരണത്തിൽ കാണിച്ച അത്ര ശുഷ്കാന്തി ഹദീസ് ക്രോഡീകരണത്തിൽ എന്ത് കൊണ്ട് പ്രവാചകർ കാണിച്ചില്ല ? 

നിവാരണം :

എ. ഖുർആൻ പൊലെ ഹദീസും ഹൃദയങ്ങളിൽ നിന്നും ഹൃദയങ്ങളിലേക്ക് പ്രവാചക കാലം മുതൽ കൈമാറ്റം ചെയ്യപ്പെട്ടു പോന്നിട്ടുണ്ട്. അന്നു തന്നെ ലിഖിത രൂപത്തിലും സൂക്ഷിക്കുക വഴി അല്ലാഹുവിന്റെ വചനമായ ഖുർആനിനു പ്രത്യേക പരിഗണ നൽകിയെന്നു മാത്രം

ബി. ഖുർആൻ, പാരായണം ചെയ്യാൻ നിർദേശിക്കപ്പെട്ടതിനാലും ഇഅ്ജാസ് പദങ്ങൾക്കു കൂടി ബാധകമായതിനാലും ഖുർആന്റെ പദങ്ങൾ തന്നെ കൈമാറ്റം ചെയ്യൽ അനുപേക്ഷ്യമാണ്.

അതിനാൽ, ഖുർആന്റെ കാര്യത്തിൽ കൂടുതൽ ശുഷ്കാന്തി കാണിക്കുകയും ലിഖിത രൂപേണയും അതു സൂക്ഷിച്ചു വെക്കാൻ നിർദേശിക്കുകയും ചെയ്തു. 

ഹദീസുകളാവട്ടെ, ആശയ കൈമാറ്റം ചെയ്താൽ മതി. ആശയം കൈമാറാൻ നടേ പറഞ്ഞ സൂക്ഷ്മത ആവശ്യമില്ല. വിശിഷ്യാ, ഹൃദിസ്ഥമാക്കാൻ അനിതര ശേഷി കൈവശമുണ്ടായിരുന്ന സമൂഹത്തിൽ.

അബ്ദുൽ ജലീൽ സഅ്ദി രണ്ടത്താണി