അമരനായ ദൈവവും അനശ്വരമായ ലോകവും

 

സന്ദേഹം :

സ്വർഗ നരകങ്ങൾ ശാശ്വതമാണങ്കിൽ മനുഷ്യന് അന്ത്യമില്ലല്ലോ.. ദൈവമല്ലാത്തതെല്ലാം നശിക്കുന്നതാണെങ്കിൽ ഇതെങ്ങനെ സാധ്യമാകും ?

നിവാരണം :

എ. «ഭൂമുഖത്തുള്ളവരെല്ലാം നശിക്കാനുള്ളവരാണ്» എന്ന പ്രസ്താവന പുനരുത്ഥാനത്തിന് മുമ്പുള്ള ആഗോള നാശത്തെയാണ് പരാമർശിക്കുന്നത്. സ്വർഗത്തിലെ ശാശ്വത നിവാസം പുനരുത്ഥാന ശേഷമായിരിക്കുമല്ലോ.

ബി. നാശമുക്തി അല്ലാഹുവിന്റെ സവിശേഷ ഗുണം തന്നെയാണ് «അല്ലാഹുവല്ലാത്തതെല്ലാം നാശോൻമുഖമാണ്». എന്നാൽ, സൃഷ്ടികളെ എക്കാലത്തും നില നിർത്താൻ അല്ലാഹുവിന് കഴിയില്ലെന്നോ അവരെ അവൻ എക്കാലത്തും നില നിർത്തുകയില്ലെന്നോ അതിന് അർത്ഥമില്ല. കാരണം : അല്ലാഹുവിന്റെ വ്യതിരേകമായ നാശമുക്തി നശിക്കാതിരിക്കലല്ല, നാശം സംഭവ്യമല്ലാതിരിക്കലാണ്. 

അബ്ദുൽ ജലീൽ സഅദി രണ്ടത്താണി