ശിക്ഷിക്കപ്പെടാൻ കൂടുതൽ അർഹൻ

സന്ദേഹം :

നന്മയിൽ മാത്രം മുഴുകി ജീവിക്കുന്ന അവിശ്വാസിയാണോ തിൻമകളിൽ അഭിരമിച്ച് ജീവിക്കുന്ന വിശ്വാസിയാണൊ ദൈവിക ശിക്ഷയ്ക്ക് കൂടുതൽ അർഹൻ ?

നിവാരണം :

എ. ഭരണകൂടത്തെയും രാജാവിനെയും അംഗീകരിക്കുന്ന കുറ്റവാളിയാണോ ക്ഷേമൈശ്വര്യ പ്രവർത്തനങ്ങൾ നടത്തിപ്പോരുന്ന രാജ്യദ്രോഹിയാണോ ശിക്ഷിക്കപ്പെടാൻ കൂടുതൽ അർഹൻ. 

ബി. ഉടയ തമ്പുരാനെ / അവന്റെ തിരുദൂതരെ / അവന്റെ നിയമസംഹിതയെ അംഗീകരിക്കാതിരിക്കുകയെന്ന ഏറ്റവും വലിയ തിന്മ ഉൾവഹിക്കുന്നവരാണ് അവിശ്വാസികൾ. എങ്കിൽ, നന്മയിൽ മാത്രം മുഴുകി ജീവിക്കുന്ന ഒരു അവിശ്വാസിയുമില്ല. 

സി. കുറ്റവാളികളെ ശിക്ഷിക്കൽ അല്ലാഹുവിന്റെ അവകാശമാണ്. കാരണം : താൻ നൽകിയ ഉൺമ ഉൾപ്പെടെയുള്ള അനുഗ്രഹങ്ങളോട് കൃതഘ്നത കാട്ടുകയും അവയെ ദുരുപയോഗപ്പെടുത്തുകയും ചെയ്തവരാണവർ. എങ്കിൽ, ആർക്ക് കൂടുതൽ ശിക്ഷ നൽകണമെന്നും ആർക്ക് ഇളവു നൽകാമെന്നും നൽകരുതെന്നും നിശ്ചയിക്കുവാനുള്ള അവകാശവും അവനു തന്നെ.

അബ്ദുൽ ജലീൽ സഅ്ദി രണ്ടത്താണി